Prezıdent «Batys» óńirlik áskerleri qolbasshysyn taǵaıyndady

ASTANA. KAZINFORM — Nurlan Káribaev «Batys» óńirlik qolbasshylyǵy áskerleriniń qolbasshysy atandy, dep habarlaıdy Aqordanyń baspasóz qyzmeti.

— Memleket basshysynyń ókimimen Nurlan Serikbaıuly Káribaev «Batys» óńirlik qolbasshylyǵy áskerleriniń qolbasshysy laýazymyna taǵaıyndaldy, — delingen habarlamada.

Nurlan Káribaev 1978 jyly 13 qyrkúıekte Qyzylorda qalasynda dúnıege kelgen.

Qazaqstan Respýblıkasy Qarýly Kúshteriniń Áskerı akademııasyn «motoatqyshtar áskerlerin basqarý taktıkasy» mamandyǵy boıynsha, Qazaqstan Respýblıkasy Ulttyq qorǵanys ýnıversıtetin «áskerı jáne ákimshilik basqarý» baǵyty boıynsha, sondaı-aq Reseı Federatsııasy Qarýly Kúshteri Bas shtabynyń Áskerı akademııasyn támamdaǵan.

Qazaqstan Respýblıkasy Qarýly Kúshterinde motoatqysh vzvodynyń komandırinen bastap, ártúrli garnızondardaǵy áskerı bólimderdiń komandırine deıin túrli laýazymdarda qyzmet atqarǵan.

Jańa laýazymǵa deıin ol «Ońtústik» óńirlik qolbasshylyǵy áskerleri qolbasshysynyń birinshi orynbasary — shtab bastyǵy qyzmetin atqardy.

«Jaýyngerlik erligi úshin» medalimen jáne II dárejeli «Aıbyn» ordenimen marapattalǵan.

Osydan buryn Prezıdent Qazaqstannyń Koreıa men Mıanmadaǵy elshilerin taǵaıyndaǵanyn jazdyq.