Prezıdent bastamalaryn ary qaraı jalǵastyramyz - Qazaqstannyń jastar kongresi
«Qazaqstan jastary kongresi atynan Elbasyǵa qabyldaǵan sheshimi úshin zor qurmet kórsetkimiz keledi. Halqymyz úshin, elimiz úshin jáne memleketten tys jerlerde Nursultan Ábishuly Qazaqstannyń qalyptasýy men damýyna qanshama kúsh-jiger jumsady. Búgin Qazaqstan - ómir tirshiliginiń barlyq salalarynda úlken áleýeti bar básekege qabiletti el. Biz týraly kúlli álem biletin boldy, bizdiń el jaıly serpindi damyp kele jatqan memleket retinde aıtady. Bul, árıne, kóregen kózqarasy bar jáne qıyn sheshimder qabyldaýdan qoryqpaıtyn Prezıdenttiń eńbegi», - dedi uıym basshysy Toqtar Bolysov QazAqparat tilshisine bergen suhbatynda.
Onyń aıtýynsha, búginde barlyq qazaqstandyqtar tarıhı ózgeristerdiń kýágeri bolyp otyr. Sonyń ishinde jastar uıymdary Prezıdenttiń bastamasymen qurylǵan uıymdar retinde barlyq bastamalardy ary qaraı jalǵastyrýǵa múddeli. «Bizdiń qaýymdastyǵymyz, basqa da jastar uıymdary men baǵdarlamalary sııaqty Memleket basshysynyń tapsyrmasy boıynsha qurylǵan, sonymen qatar ol barlyq ıdeıalardyń shabyttandyrýshysy bolyp tabylady. El jastarynyń atynan baqytty jyldar men beıbit aspan úshin, eń bastysy bizdiń salamyzǵa qoldaý kórsetkeni úshin alǵys bildiremiz. Biz bolashaǵymyzdyń senimdi qolda ekenine jáne memlekettik bastamalardy ári qaraı da qoldaýǵa jáne iske asyrýǵa daıyn ekenimizdi shyn júrekten jetkizgimiz keledi. Jáne de, bolashaqta uzaq jas tilep, Elbasy úkilep artyp otyrǵan senimin biz jastar aqtaýǵa bar kúsh-jigermizdi salmaqpyz», - dep atap kórsetti T.Bolysov.
Aıta keteıik, keshe QR Prezıdenti Nursultan Nazarbaev Qazaqstan xalqyna úndeý joldap, óz ókilettigin toqtatý jóninde sheshim qabyldaǵanyn málimdedi. Memleket basshysy QR Parlamenti Senatynyń tóraǵasy Qasym-Jomart Toqaevtyń Qazaqstandy ýaqytsha basqaratynyn jetkizdi. N.Nazarbaev Qaýipsizdik keńesiniń tóraǵasy qyzmetin atqara beredi.
