Prezıdent bastamalary jastarǵa senimdi ómirlik bastaý bolady - Nurlan Ermekbaev
«Dinı birlestikter QR Prezıdentiniń jańa áleýmettik bastamalaryna qoldaý bildirip jatyr. Keıbir áleýmettik nemese ekonomıkalyq máselelerdiń sheshilmeýi - adamdardyń teris dinı aǵymǵa túsip ketýiniń negizgi sebepteriniń biri", - dedi mınıstr jýrnalısterge bergen suhbatynda.
Sondaı-aq, N. Ermekbaev Memleket basshysy Nursultan Nazarbaev usynǵan «7-20-25» ıpotekasy, 20 myń qosymsha grant jáne 75 myń orynǵa arnalǵan stýdentter jataqhanasy týraly óz pikirin bildirdi. Mınıstrdiń aıtýynsha, bul bastamalar jastar úshin senimdi ómirlik bastaý bolmaq.
«Jalaqynyń azdyǵy nemese baspana men jumystyń joqtyǵy jas mamannyń otbasyn qurýyna kedergi keltiredi. Bilim alýǵa yntasy bola tura, oqý aqysyn tóleýge materıaldyq múmkindikteri jetpeýi múmkin. Prezıdenttiń bastamalary dál osy máselelerdi sheshýge septigin tıgizedi. Bul jastardyń aýyldar men kishigirim qalalardan ortalyqqa kóshýine, suranystyń ósýine qatysty JOO men kolledj stýdentteriniń baspana máselesin tolyq sheshýine múmkindik beredi", - dedi mınıstr.
