Prezıdent bastamalary partııalar jumysyn jandandyrady - Tóleýtaı Raqymbekov
«Aýyl» halyqtyq demokratııalyq patrıottar partııasy músheleriniń pikiri boıynsha, sońǵy saılaý óte joǵary deńgeıde ótken. Buǵan Memleket basshysy Qasym-Jomart Toqaevtyń bastamasymen saıası jańǵyrý turǵysyndaǵy qadamdar yqpal etti. Sonymen qatar bul bastamalarǵa Ulttyq qoǵamdyq senim keńesi qoldaý bildirgen edi. Atap aıtqanda, qabyldanǵan sharalardyń arqasynda partııalar jumysyn jandandyrdy. Ásirese, óńirlerde belsendi jumystardy baıqadyq», - T. Raqymbekov «Prezıdenttik jańa saıası reformalar paketi» taqyrybyndaǵy sarapshylyq talqylaý barysynda.
Sarapshynyń paıymynsha, Memleket basshysynyń saıası partııalardyń Májiliske ótý shegin 7-den 5 paıyzǵa deıin túsirýge , sondaı-aq saılaý bıýlletenderine « bárine qarsymyn « degen jazý engizýge qatysty usynysy partııalar jumysynyń budan ary qaraı jandandyrady.
«Sonymen qatar, azamattar bul baǵyttaǵy protseske qyzyǵýshylyq tanytady. «Aýyl» partııasyna osy qadamdar ózekti bolyp tur, óıtkeni partııamyz saılaýda 5 paıyzdan astam daýys jınaǵan edi. Saılaýǵa qatysý qorytyndysyn «Aýyl» partııasy jeńilis retinde qarastyrmaıdy. Bizdiń kandıdattar Májiliske ótpese de, jalpy saılaý qorytyndysyn ońtaıly dep baǵalap otyrmyz», - dedi T. Raqymbekov.
Onyń sózine qaraǵanda, partııa atynan depýtatyqqa kandıdat retinde 625 adam tirkeldi. Sonyń arasynda 19-y Májiliske, al qalǵandary túrli deńgeıdegi máslıhatqa kandıdat retinde qarastyryldy.
«Aldyn ala jospar boıynsha osy kandıdattardyń shamamen 40 paıyzyn depýtattyqa ótýin eskergen edik, ıaǵnı 240 mandat alý boljamy qarastyryldy. Іs júzinde 237 mandatqa qol jetizildi, osy oraıda jospar oryndaldy dep aıtýǵa bolady. Bul óz kezeginde 2016 jyldaǵy kórsetkishten 6,5 esege artyq, ol kezde bizde 37 depýtat máslıhattarda qyzmet etti», - dedi «Aýyl» partııasynyń ókili.
