Prezıdent Básekelestikti qorǵaý jáne damytý agenttiginiń ókilettigin keńeıtti
ASTANA. KAZINFORM – 2025 jylǵy 18 tamyzdaǵy Qazaqstan Respýblıkasy Prezıdentiniń Jarlyǵymen Básekelestikti qorǵaý jáne damytý agenttigi týraly erejege ózgerister engizildi, dep habarlaıdy Kazinform tilshisi.
Qyrkúıek aıynyń basynan bastap agenttikke jańa mindetter júktelmek. Olardyń qatarynda:
mobılızatsııalyq daıyndyq sharalary,
aqparattyq-kommýnıkatsııalyq tehnologııalar jáne aqparattyq qaýipsizdik salasyndaǵy talaptardyń saqtalýyn baqylaý,
memlekettik qupııalardy qorǵaý,
memlekettik qyzmetter kórsetýge qatysty quqyqtyq aktilerdi ázirleý.
Al 2026 jylǵy 1 qańtardan bastap agenttikke taǵy eki fýnktsııa beriledi:
salyqtyq jeńildikterdi kelisý,
kóleńkeli ekonomıkaǵa qarsy is-qımyl sharalaryna qatysý.
Jarlyq 2025 jylǵy 1 qyrkúıekten bastap kúshine enedi, al jekelegen normalar — 2026 jylǵy 1 qańtardan bastap qoldanysqa engiziledi.