Prezıdent Bas prokýratýraǵa saılaý týraly zańdylyqtyń saqtalýyn qadaǵalaýdy qamtamasyz etýdi tapsyrdy

Prezıdent bul tapsyrmany búgin "Nur Otan" HDP ortalyq apparatynyń ǵımaratynda Respýblıkalyq saılaýaldy qoǵamdyq shtabtyń múshelerimen kezdesýinde berdi.

QR Prezıdenti baspasóz qyzmetiniń habarlaýynsha, Elbasy saılaýaldy kezeńde qoldanystaǵy zańnamany qatań saqtaý qajettigin eskertti. «Barlyq deńgeıdegi ákimderdiń nazaryn saılaý zańnamasyn saqtaý qajettigine aýdaramyn. Memlekettik bıliktegi barlyq organdar tek óz isterimen aınalysyp, saılaý naýqanyna aralaspaýy tıis. Bas prokýratýraǵa zańdylyqtyń saqtalýyn qadaǵalaýdy qamtamasyz etýdi, saılaý týraly zańnamanyń buzylǵan faktileri týraly shaǵymdar men ózge de aryzdarǵa jedel nazar aýdarýdy tapsyramyn. Qandaı da bir quqyq buzýshylyq oryn alǵan jaǵdaıda jedel tártip buzýdyń jolyn kesip, ondaı kezde qajetti prıntsıpshildikti kórsetýleri kerek», - dedi Memleket basshysy.