Toqaev balalarǵa áleýmettik jelige tirkelýge tyıym salýdy qoldady
ASTANA. KAZINFORM — Birinshi shaqyrylymdaǵy Quryltaıdyń birinshi sessııasyn ashqan Qasym-Jomart Toqaev 16 jasqa tolmaǵan balalardyń áleýmettik jelige tirkelýine zań arqyly tyıym salý jáne t. b. máselelerge toqtaldy.
— Úkimet 16 jasqa tolmaǵan balalardyń áleýmettik jelige tirkelýine zań arqyly tyıym salýdy usynyp otyr. Bul máselege taıaýda ótken Tamyz konferentsııasynda arnaıy toqtalyp óttim. Mundaı shara álemniń kóptegen elinde qabyldanyp jatyr. Men muny qoldaımyn. Osy jumysqa basa nazar aýdarý qajet dep sanaımyn. Biraq tıisti zańdy qabyldasaq, ony tolyǵymen júzege asyrý máselesin oılaýymyz kerek, sebebi, qaýqarsyz zań eshkimge qajet emes, — dedi ol.
Sonymen birge, Prezıdent energetıka salasynyń tehnologııalyq turaqtylyǵyn qamtamasyz etýge, balamaly energııa kózderin damytýǵa múmkindik beretin zań jobalaryn da tezdetip qarastyrý mańyzdy ekenin atap ótti.
— Sondaı-aq onlaın-platformalar men mass-medıa máselesine qatysty zańdarǵa aıryqsha nazar aýdarý kerek. Aqparat keńistiginde azamattardyń quqyqtary men zańdy múddelerin qorǵaý úshin qosymsha sharalar qabyldaý qajet, — dedi Memleket basshysy.
Aıta keteıik, buǵan deıin álemdik saıasatta yqpaly zor memleketter bizdiń pikirimizge qulaq asatyny jónindegi Prezıdent málimdemesin jarııalaǵanbyz.
