Prezıdent Balalar quqyǵy jónindegi ýákilettiniń ınstıtýtyn qurýdy júktedi
ASTANA. QazAqparat - Búgin Memleket basshysy Nursultan Nazarbaev «Mereıli otbasy» ulttyq baıqaýynyń jeńimpazdaryn marapattaý rásiminde Balalar quqyǵy jónindegi ýákilettiniń ınstıtýtyn qurýdy tapsyrdy.
«Birinshi kezekte, qoǵamdyq bastamalar negizinde Balalar quqyǵy jónindegi ýákilettiniń ınstıtýtyn qurý máselesin qarastyrýdy tapsyramyn. Qamqorshysyz qalǵan jetim balalardyń biryńǵaı jalpyulttyq málimetter bazasyn qalyptastyrý kerek», - dedi Memleket basshysy.
Osy oraıda Elbasy memleket balalar úılerine bólip jatqan qarjyny bala asyrap alýshy otbasylarǵa baǵyttaýǵa bolatynan atap ótti.
