Prezıdent balalar arasyndaǵy sýıtsıd pen býllıngtiń aldyn alýǵa baqylaýdy kúsheıtýdi tapsyrdy
«Sonymen qatar biz bala quqyqtaryn qorǵaý jónindegi aýqymdy máselelerdi sheshýge tıispiz. Balalardyń qaýipsizdigin qamtamasyz etý, balalar arasyndaǵy sýıtsıd pen býllıngtiń aldyn alý úshin memlekettik baqylaýdy kúsheıtip, tıimdi tetikterdi qarastyrǵan jón», - dedi Memleket basshysy.
QR Prezıdenti erekshe kútimge muqtaj balalardyń ınklıýzıvti damýy máselesin nazardan tys qaldyrmaýymyz kerektigin de basa aıtty.
«Bilim berý mekemelerindegi tıisti qyzmetterdiń tıimdiligin arttyrý úshin normatıvtik baza qalyptastyrý kezek kúttirmeıtin mindettiń biri. Áleýmettik mańyzy joǵary osyndaı máselelerdi sheshý memlekettik organdardyń ǵana mindeti emes. Oǵan búkil azamattyq qoǵamnyń atsalysýy qajet ekenin bárimiz túsinýge tıispiz», - dedi Qasym-Jomart Toqaev.
