Prezıdent balabaqsha, mektep pen kolledj dırektoryn taǵaıyndaýdyń ashyq júıesin ázirleýdi tapsyrdy
«Elimizde balabaqshalar men mektepterdiń, kolledjderdiń dırektoryn taǵaıyndaýdyń ashyq júıesin daıyndaý kerek. Dırektorlardy rotatsııa men attestattaýdan ótkizý ınstıtýtyn engizý – basqarýdyń tıimdiligin arttyrýy tıis. Jalpy, rotatsııa barlyq salada bolýy kerek dep esepteımin. «Adasyp ketken býyn» degen áńgimeler shyqpaýy úshin biz kadrlardy jańartyp otyrýymyz qajet. Shynynda da bilimdi ári kásibı turǵyda daıar, patrıottyq turǵyda shyńdalǵan, psıhıkalyq turǵyda oıly jastar men orta jastaǵylar memlekettik bılik salasynda eńbek etýi kerek. Parlament bolsyn, Úkimet, ákimdik bolsyn, jańa talanttardy izdeýge shaqyramyn. Kásibı turǵyda shyńdalǵan jastardy izdeýge shaqyramyn. Memlekettik bılik júıesinde olardyń darynyn paıdalanýymyz kerek», - dedi Prezıdent Ulttyq qoǵamdyq senim keńesiniń otyrysynda.
Prezıdent qazir elde memlekettik qyzmetti reformalaý, jańa deńgeıdegi memlekettik apparatty qurý bastamasy týraly aıtylyp jatqanyn atap ótti.
«Álbette, osy rette, bizge jańa adamdar kerek. Sol sebepti Memlekettik qyzmet ister jónindegi agenttik pen Prezıdent Ákimshiligi bul máselemen aınalysýy kerek», - dedi Memleket basshysy.
