Prezıdent Baqyt Sultanov pen Saparhan Omarovqa birlesip jumys isteýdi júktedi

NUR-SULTAN. QazAqparat – Prezıdent Qasym-Jomart Toqaev Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Saparhan Omarovqa birlesken jumysty kúsheıtýdi tapsyrdy, dep habarlaıdy QazAqparat tilshisi.

«Aýyl sharýashylyǵy tek óndiris úshin jaýap beredi. Jaqsy óndirip jatyr ma, jaman ba – ol ekinshi másele. Al onyń ótkizilýine, satylýyna Saýda jáne ıntegratsııa mınıstrligi jaýap berýi kerek. Sol sebepti, bir-birlerińizben tyǵyz jumys isteńizder», - dedi Prezıdent Úkimettiń keńeıtilgen otyrysynda.

Memleket basshysy otandyq bıznes bul rette eksporttyq taýarlardyń sanyn arttyrý kerektigin atap ótti.

«Tek sondaı óndiris oshaqtaryna ataýly qoldaý kórsetý kerek. Bul jumys bárine, ákimdikter men mınıstrlikterge, damý ınstıtýttaryna qatysty. Sol sebepti, zamanǵa saı jobalyq amal-ádisterdi engizý qajet», - dedi Prezıdent.