Prezıdent: Baǵanyń ósýi tek áleýmettik salaǵa qatysty túıtkil emes
ASTANA. KAZINFORM – Prezıdent Qasym-Jomart Toqaev eldegi baǵa turaqsyzdyǵynyń aýqymy áleýmettik salanyń aıasynan asyp bara jatqanyn aıtty.
- Halyqtyń ál-aýqatyn arttyrý úshin qyrýar jumys istelip jatyr, biraq ınflıatsııa joǵary bolyp, bul jumystyń kóbi zaıa ketip jatyr. Baǵanyń ósýi tek áleýmettik salaǵa qatysty túıtkil emes. Bul – makroekonomıkalyq turaqsyzdyqqa, ınvestıtsııalyq ahýaldyń nasharlaýyna ákep soqtyratyn kúrdeli másele. Úkimet, Ulttyq bank, Qarjy naryǵyn retteý jáne damytý agenttigi birlesken is-qımyl baǵdarlamasyn aıasynda úılesimdi, nátıjeli jumys isteý kerek, - dedi Memleket basshysy.
Aıta eteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.
Jıynda eldiń 2025 jylǵy áleýmettik-ekonomıkalyq damýy qorytyndylanyp, Úkimettiń aldaǵy kezeńge arnalǵan negizgi mindetteri aıqyndalady.