Prezıdent BAÁ-niń Qazaqstandaǵy elshisin qabyldady
Prezıdent Qasym-Jomart Toqaev BAÁ-niń Qazaqstandaǵy elshisi Muhammed Saıd Muhammed ál-Arıkıdi qabyldady
Kezdesý barysynda Memleket basshysy Qazaqstannyń Birikken Arab Ámirlikterimen dostyq jáne baýyrlastyq baılanystardy damytýǵa, ózara múddege saı kóptegen baǵyt boıynsha yntymaqtastyqty odan ári nyǵaıtýǵa beıil ekenin atap ótti.
Prezıdent halyqaralyq kún tártibindegi basty máseleler jóninde eki el ustanymdarynyń uqsastyǵyna nazar aýdardy.
Qasym-Jomart Toqaev Taıaý Shyǵystaǵy ahýalǵa, sonyń ishinde Iran tarapynyń Birikken Arab Ámirlikteri aýmaǵyn bombalap jatqanyna alańdaýshylyq tanytty.
Memleket basshysy atalǵan eldiń azamattyq ınfraqurylymyna jasalǵan áskerı shabýyldy Qazaqstan alǵashqylardyń biri bolyp aıyptaǵanyn, bul týraly BAÁ Prezıdenti sheıh Muhammed ben Zaıd Ál Nahaıanmen telefon arqyly sóılesken kezde málimdegenin eske saldy.
Qazaqstan Taıaý Shyǵystaǵy áskerı is-qımyldardyń beıtarap memleketterdi sharpyp jatqanyna qarsy. Osy oraıda jaǵdaıdy ýshyqtyrmaı, atalǵan áskerı qaqtyǵysqa qatysy joq BAÁ men Shyǵanaq elderiniń egemendigin, aýmaqtyq tutastyǵyn buzbaýǵa, sondaı-aq shıelenisti saıası-dıplomatııalyq jolmen retteýge shaqyrady.
Prezıdent elimizdiń qajet bolǵan jaǵdaıda beıbit kelissózder ótkizý úshin alań usynýǵa daıyn ekenin rastady.
Elshi Muhammed Saıd Muhammed ál-Arıkı Qazaqstannyń BUU Jarǵysynyń qaǵıdattaryn berik ustanyp, Ámirlikter men Shyǵanaqtaǵy arab memleketteriniń yntymaqtastyq keńesine qatysýshy barlyq eldiń egemendigine, aýmaqtyq tutastyǵy men qaýipsizdigine qurmetpen qaraǵany úshin Qasym-Jomart Toqaevqa rızashylyǵyn bildirdi.
Aıta keteıik, Memleket basshysy Qasym-Jomart Toqaev «Tazarý kúnine» oraı úndeý joldady.