Prezıdent: Azyq-túlik baǵasy qoljetimdi bolýy tıis

NUR-SULTAN. QazAqparat – Memleket basshysy Qasym-Jomart Toqaevtyń Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Azyq-túlik baǵasynyń qoljetimdi bolýyn tapsyrdy, dep habarlaıdy QazAqparat.

«Búginde halyqtyń úshten birinen astam (37 paıyzy) bóligi tolyqtaı oqshaýlanǵan qalalarda turyp jatyr. Sondyqtan da azyq-túlikpen turaqty qamtamasyz etý basty máseleniń biri bolyp qalady», - dedi Prezıdent.

Bul rette halyqtyń áleýmettik turǵyda álsiz tobyndaǵy azamattardy qamtamasyz etýge nazar aýdarylady.

«Atalǵan máseleni Úkimet pen ákimdikter turaqty baqylaýda ustaýyn tapsyramyn. Úsh kún buryn elordanyń kóliktik-logıstıkalyq ortalyǵynda boldym. Úkimet el boıynsha azyq-túlikpen qamtamasyz etý máselesin qadaǵalyp otyr. Bizde azyq-túlik jetkilikti. Dúrbeleń týdyrmas úshin baǵanyń qoljetimdi bolýyn ári durys logıstıkany qamtamasyz etý qajet», - dedá Memleket basshysy.

Osy oraıda Przıdent Úkimet áleýmettik mańyzdaǵy azyq-túlik taýarlarynyń 9 ataýyna shekti baǵany bekitkenin eske saldy.

«Sonymen birge, retteý tetigi jetildirýdi talap etedi. Saýda jáne ıntegratsııa mınıstrligi men ákimderge birge baǵanyń qalyptasýynyń tutas tizbesi boıynsha ónim qunyn retteýdiń tetigin ońtaılandyrý tapsyrylady», - dedi Qasym-Jomart Toqaev.