Prezıdent Azııa oıyndary jáne Azııa paraoıyndarynyń júldegerlerin marapattady

Memleket basshysy jıynda sóılegen sózinde Qazaqstan sportshylary Japonııada ótken HH Jazǵy Azııa oıyndary men V Azııa Para oıyndarynda tamasha nátıje kórsetip, elimizdiń mártebesin asyrǵanyn aıtty.

— Bul — memleketimiz úshin shyn máninde úlken jetistik jáne zor maqtanysh! Barshańyzǵa jarqyn jeńisterińiz qutty bolsyn deımin! Sizder qurlyqtyń eń myqty sportshylary qatysqan dúbirli doda kezinde el namysyn qorǵap, júzden júırik shyqtyńyzdar! Ulttyq quramanyń tabandy eńbeginiń arqasynda Azıada tórinde rýhty Ánuranymyz shyrqaldy, kók Týymyz bıikte jelbiredi. Men árbir jeńisti naǵyz patrıotızmniń aıqyn kórinisi dep sanaımyn. Tutas halqymyz sizderge qoldaý kórsetti, jankúıer boldy. Ár sportshynyń el qorjynyna qosqan medali azamattarymyzǵa, ásirese, ósip kele jatqan jas býynǵa úlken shabyt beredi, olardy myqty, kúshti bolýǵa úndeıdi jáne alǵa jeteleıdi. Búgin osy mereıli sátte men Memleket basshysy retinde barshańyzǵa taǵy da shynaıy rızashylyǵymdy bildiremin, — dedi Prezıdent.

Aıta keteıik, Japonııada ótken XX jazǵy Azııa oıyndary aıaqtalady. Qazaqstan quramasy 84 medal (12 altyn, 24 kúmis jáne 48 qola) oljalap, 46 eldiń ishinde jalpykomandalyq esepte 8-orynǵa turaqtady.

Al Azııa Paraoıyndarynda Qazaqstan 50 medal jeńip alyp, úzdik ondyqqa endi.