Prezıdent: Azııa elderi jahandyq jylyný men sý tapshylyǵynyń saldaryn qazirdiń ózinde sezinip otyr
ASTANA. KAZINFORM — Memleket basshysy Qasym-Jomart Toqaev Aral teńizin qalpyna keltirýge qoldaý kórsetkeni úshin Italııa basshylyǵyna alǵys aıtty.
— Azııa elderi jahandyq jylynýdyń, muzdyqtardyń erýiniń, shóleıt jáne sý tapshylyǵynyń saldaryn qazirdiń ózinde sezinip otyr. Biz aımaqtaǵy ekologııalyq máselelerdi, atap aıtqanda Aral teńizi alabyn qalpyna keltirý isindegi belsendi qoldaýy úshin Italııaǵa rızashylyǵymyzdy bildiremiz. Biz sýdy utymdy paıdalaný jáne shóleıttenýge qarsy kúreske arnalǵan tehnologııalardy engizý maqsatynda Italııamen, onyń ishinde Italııanyń klımattyq qorymen odan ári nátıjeli yntymaqtastyqqa úmit artamyz, — dedi Qasym-Jomart Toqaev elordada ótip jatqan «Ortalyq Azııa — Italııa» birinshi sammıtinde.
Buǵan deıin Qasym-Jomart Toqaev Kaspııden Afrıkaǵa deıin sozylatyn Azııa men Eýropa arasyndaǵy eń senimdi jáne qaýipsiz kólik jelisin qurýdy usyndy.
Sondaı-aq Prezıdent Italııanyń joǵary oqý oryndaryn Qazaqstanda fılıalyn ashýǵa shaqyrdy.
Aıta keteıik, 2026 jyl «Ortalyq Azııa men Italııanyń» mádenı qozǵalys jyly retinde atalyp ótedi.