Prezıdent Ázerbaıjan basshysyn Astana áýejaıynan shyǵaryp saldy
ASTANA. KAZINFORM — Memleket basshysy Qasym-Jomart Toqaev Ázerbaıjan prezıdenti Ilham Álıevti elorda áýejaıynan shyǵaryp saldy. Bul týraly Aqordanyń baspasóz qyzmeti habarlady.
Buǵan deıin Qazaqstan Prezıdenti Qasym-Jomart Toqaevtyń shaqyrýymen Ilham Álıev Qazaqstanǵa memlekettik saparmen kelgenin habarlaǵan edik.
Ázerbaıjan prezıdentin Memleket basshysy Aqordada qarsy aldy. Sodan keıin Qasym-Jomart Toqaev Ilham Álıevpen kelissóz júrgizdi. Artynsha qos eldiń basshylaryna Orta dálizdi damytý jobasy tanystyryldy.
Sondaı-aq Qasym-Jomart Toqaev pen Ilham Álıevtiń tóraǵalyǵymen Qazaqstan Respýblıkasy men Ázerbaıjan Respýblıkasynyń Joǵary memleketaralyq keńesiniń ekinshi otyrysy ótti. Jıynnyń kún tártibinde kólik, logıstıka, tsıfrlandyrý, otyn-energetıka kesheni, sondaı-aq mádenı-gýmanıtarlyq salalardaǵy yntymaqtastyq máseleleri qarastyryldy. Kelissóz qorytyndysy boıynsha Qazaqstan men Ázerbaıjan tarapy yntymaqtastyq týraly 15 qujatqa qol qoıdy.
Sodan soń Qasym-Jomart Toqaev pen Ilham Álıev ekijaqty kelissóz jáne Qazaqstan – Ázerbaıjan Joǵary memleketaralyq keńesi otyrysynyń qorytyndylary boıynsha buqaralyq aqparat quraldary ókilderine arnalǵan brıfıng ótkizdi. Kóp ótpeı Qazaqstan Prezıdenti men Ázerbaıjan basshysy Alem.AI halyqaralyq jasandy ıntellekt ortalyǵyna bardy.
