Prezıdent azamattyq qoǵamǵa úlken úmit artyp otyr-Azamattyq sektor ókilderi
Memleket basshysy Qasym-Jomart Toqaevtyń bastamalary talqylanǵan jıynda jaqynda elimizde oryn alǵan oqıǵalar sóz boldy. Sharaǵa saıası partııalardyń, kásipodaq uıymdarynyń, ǵylymı qoǵamdastyq pen ıntellegentsııanyń, etnomádenı birlestikterdiń, jastar uıymdarynyń ókilderi qatysady.
«Elimizde oryn alǵan oqıǵalar bizdiń azamattarymyzdy biraz alańdaty. Almaty sııaqty iri qalalardaǵy beıbit mıtıngtterge terrorıstik elementter qosylyp, eldegi tártip pen turaqtylyqty buzyp qana qoımaı, el bıligi men halqyn qıyn jaǵdaıǵa dýshar etti. Birneshe kún boıy ınternettiń turaqsyzdyǵan adamdardyń týystary jáne otandastarymen baılanysýǵa múmkindigi bolmady. Osy rette, QR Prezıdenti Qasym-Jomart Toqaev bolǵan oqıǵaǵa óz baǵasyn berip, onyń oryn alý sebepterin atady, sondaı-aq, halyqqa janashyrlyq tanytyp, daǵdarysty daǵdarysty eńserý jáne eldegi ómirdi turaqtandyrý jónindegi naqtyly qadamdardy atady. Memleket basshysy bizge, azamattyq qoǵamǵa úlken úmit artyp otyr. Biz alǵa qoıǵan maqsattarǵa qol jetkizý úshin, onyń ishinde qoǵamdyq qyzmettegi óz tájirıbemizdi jáne óz múmkindikterimiz turǵysynan perspektıvalyq kózqarasymyzdy eskere otyryp, óz úlesimizdi qosýǵa tyrysamyz», - dep atap ótti «Nasha prava» qoǵamdyq birlestiginiń jetekshisi, «Aqmola oblysy azamattyq alıansy» zańdy tulǵalar birlestiginiń quryltaıshysy Vladıslav Shýl.
Dıalog alańy barysynda Memleket basshysy aıtqan bastamalar men usynystardy qoldaý úshin óńirdiń azamattyq qoǵamynyń birqatar ókilderi óz oı-pikirlerimen bólisti. Sonyń ishinde Abaı Myrzahmetov atyndaǵy Kókshetaý ýnıversıtettiniń prorektory Ardaq Qapshyev jastar arasyndaǵy jumyssyzdyq máselesin qozǵasa, Aqmola oblysynyń kásipodaqtar ortalyǵynyń tóraǵasy Qalı Rahmetov eńbek ujymdaryndaǵy áleýmettik turaqtylyqty saqtaýdyń mańyzdylyǵy men jaýapkershiligine toqtaldy.
«Biz búkil qoǵamnyń birlesken kúsh-jigeri ǵana áleýmettik ádilettilik qaǵıdattaryn ilgeriletý men Qazaqstandaǵy eńbek adamyna laıyqty jaǵdaılardy qamtamasyz etý úshin negiz bola alatynyna senimdimiz. Osyǵan baılanysty Kásipodaqtar federatsııasy Eńbek zańnamasyna ózgerister engizý boıynsha maqsatty jumystar júrgizýde. Prezıdenttiń áleýmettik Kodekstiń qabyldanýyn qamtamasyz etý týraly sózderi ózekti bolyp tabylady. Onyń sheńberinde pandemııa syn-tegeýrinderi men jınaqtalǵan problemalardy eskere otyryp, áleýmettik saıasatty jańa bolmysqa beıimdeý qajet. Áleýmettik Kodeks jańa qoǵamdyq sharttyń negizgi elementi bolýǵa tıis.
Biz-kásipodaqtar eńbek ujymdarynda áleýmettik turaqtylyqty saqtaýdyń mańyzdylyǵy men jaýapkershiligin túsine otyryp, týyndaǵan máselelerdi sheshý boıynsha úkimetpen jáne jumys berýshilermen tıimdi ózara is-qımyldy qoldaımyz», - dedi Qalı Rahmetov.
