Prezıdent azamattyq qoǵamdy damytý tujyrymdamasyn ázirleýdi tapsyrdy
«Úkimettik emes uıymdar ómir sapasynyń joǵary standarttaryn ilgeriletýde negizgi draıverge aınalýy tıis. Men bes áleýmettik bastama jarııa ettim. Joldaýdyń osy negizgi maqsattary úkimettik emes uıymdarmen tyǵyz qarym-qatynasta júzege asyrylýy qajet. Men muny barlyqtaryńyzdan ótinemin. Eń aldymen bul - memlekettik baǵdarlamalardyń júzege asyrylýyn baǵalaý, qoǵamdyq baqylaý, sonymen qatar sapa, halyqpen keri baılanys»,- dedi Elbasy.
QR Prezıdenti stýdentterge jataqhana salý, «7-20-25» baǵdarlamasy, turǵyndar úshin gaz qubyryn tartý bastamalarynyń barlyǵy da qarapaıym adamdarǵa baǵyttalǵanyn basa aıtty. ÚEU-ler konstıtýttsııalyq qyzmettermen qatar halyqty jumyspen qamtý jumystaryna da aralasýy tıistigin basa aıtty.
«Osyny eskere kele, Úkimetke sizdermen birlesip, 2025 jylǵa deıingi azamattyq qoǵamdy damytý tujyrymdamasyn ázirleýdi tapsyramyn», - dedi Nursultan Nazarbaev.
