Prezıdent azamattardyń quqyǵyn qorǵaý jáne qoǵamdyq tártipti saqtaý máselesi boıynsha jıyn ótkizdi

ASTANA. KAZINFORM – Memleket basshysy Qasym-Jomart Toqaevtyń tóraǵalyǵymen ótken jumys keńesine Prezıdent Ákimshiligi, Qaýipsizdik Keńesi jáne quqyq qorǵaý organdarynyń jetekshileri qatysty. Bul týraly Aqordanyń baspasóz qyzmeti habarlady.

Jıynda elimizde azamattardyń zańdy quqyqtaryn qorǵaý jáne «Zań men tártip» tujyrymdamasyna sáıkes qoǵamdyq tártipti qamtamasyz etý máseleleri qaraldy.

Sondaı-aq Prezıdent keńeske qatysýshylarǵa Qazaqstan Respýblıkasy jańa Konstıtýtsııasynyń jobasy boıynsha jumys istegen Konstıtýtsııalyq komıssııa qyzmetiniń qorytyndysy jóninde málimet berdi.

Aıta keteıik, Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.