Prezıdent: Azamattar men bıznes ókilderi saqtyq sharalaryna salǵyrt qaraı bastady
NUR- SULTAN. QazAqparat - Azamattarymyz jáne bıznes ókilderi indetten ábden qajyp, sonyń saldarynan saqtyq sharalaryna salǵyrt qaraı bastady. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat Aqordanyń twitter paraqshasyna silteme jasap.
«Jalpy alǵanda, qazirgi jaǵdaıymyz jaqsy emes. Tipti, ahýal óte kúrdeli dep aıtýǵa bolady. Koronavırýs indeti qaıta órship keledi. Muny Qazaqstan ǵana emes, kóptegen elder bastan ótkerýde. Onyń negizgi sebebi vırýstyń mýtatsııalanǵan jańa shtamdary bolyp otyr. Oǵan qosa, azamattarymyz jáne bıznes ókilderi indetten ábden qajyp, sonyń saldarynan saqtyq sharalaryna salǵyrt qaraı bastady. Bul, árıne, jaǵdaıdy odan beter ýshyqtyrýda. Degenmen kóptegen sarapshylardyń aıtýynsha, 2021 jyly jalpy ahýal jaqsaryp, qaıta ósim bolyp, pandemııadan keıin azamattardyń turmys sapasynyń artýyna múmkindikter bar», - dedi Prezıdent elimizdegi koronavırýs indetine baılanysty epıdemıologııalyq ahýal jónindegi keńeste.
