Prezıdent: «Azamat – bıznes – memleket» arasyndaǵy qatynasty túbegeıli ózgertemiz

NUR-SULTAN. QazAqparat – Konstıtýtsııalyq reforma Jańa, Ádiletti Qazaqstandy qurý jolyndaǵy asa mańyzdy qadam boldy. Bul jaıynda QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat tilshisi.

Biz bıyl jańa kezeńge qadam bastyq. Halqymyz jalpyulttyq referendýmda saıası jańǵyrý baǵdaryn qoldady. Konstıtýtsııalyq reforma Jańa, Ádiletti Qazaqstandy qurý jolyndaǵy asa mańyzdy qadam boldy. Elimizdegi saıası jańǵyrý endi ekonomıkalyq ózgeristerge ulasýy tıis. Biz «Azamat – bıznes – memleket» arasyndaǵy qatynasty túbegeıli ózgertemiz. Memleket, eń aldymen, bárine birdeı múmkindik berip, ádildik ornatady. Qoǵam ıgiligine arnalǵan qyzmet deńgeıi joǵary bolýyna kepildik beredi», - dep atap ótti Memleket basshysy.

QR Prezıdentiniń atap ótýinshe, áleýmettik jaǵynan álsiz toptaǵy azamattarǵa qoldaý kórsetiledi.

«Múmkindigi shekteýli jandarǵa da kómektesemiz. Prezıdent janyndaǵy ombýdsmen taǵaıyndalady. Memleket ekonnomıkalyq erkindikti qoldaıdy. Biraq, halyqty naryq turaqsyzdyǵy yqpalynan barynsha qorǵaıdy. Shaǵyn jáne orta bıznesti meılinshe damytady», - dep atap ótti Qasym-Jomart Toqaev.