Prezıdent aıtty – oryndaldy: Bıznesti qoldaý boıynsha 24 shara qabyldandy

NUR-SULTAN. QazAqparat – QR Prezıdentiniń baspasóz hatshysy Berik Ýálı shaǵyn jáne orta bızneske qoldaýdy keńeıtý týraly Memleket basshysy Qasym-Jomart Toqaevtyń tapsyrmasy qalaı oryndalǵanyn málim etti, dep habarlaıdy QazAqparat.

Qasym-Jomart Toqaev QR Úkimetiniń 2021 jylǵy 26 qańtardaǵy keńeıtilgen otyrysynda: «Bıyl shaǵyn jáne orta bızneske qoldaý kórsetý eń basty nazarda bolýǵa tıis. Úkimetke «Atameken» ulttyq kásipkerler palatasymen birlesip, bir aıdyń ishinde osyǵan qajetti is-sharalar toptamasyn ázirleýdi tapsyramyn», - degen bolatyn.

Búginde QR Prezıdentiniń bul tapsyrmasy aıasynda iskerlik belsendilikti yntalandyrý úshin qosymsha sharalar toptamasy qabyldandy. Atap aıtqanda, bızneske júktemeni azaıtý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeıtý sııaqty 4 baǵyt boıynsha 24 shara qabyldandy.

Sharalar toptamasy jyldam qalpyna keltirý qarqynyn jáne jańa ekonomıkalyq ahýal jaǵdaıynda iskerlik belsendilikti yntalandyratyn ekojúıeni qalyptastyrýdy qamtamasyz etýge múmkindik beredi.

Sharalardyń júzege asyrylýy bıylǵy JІÓ-niń ósimin 3 paıyzǵa jetkizýge yqpal etedi. 3,3 mıllıonnan astam adam jumys isteıtin 1,2 mıllıonnan astam kásipkerlik sýbektisine qoldaý kórsetýge múmkindik beredi.