Aıdos Myrzahmetov Qorǵanys mınıstri bolyp taǵaıyndaldy
ASTANA. KAZINFORM — Aıdos Sákenuly Myrzahmetov Qazaqstan Respýblıkasynyń Qorǵanys mınıstri bolyp taǵaıyndaldy. Bul týraly Aqordanyń baspasóz qyzmeti málim etti.
— Memleket basshysynyń Jarlyǵymen Aıdos Sákenuly Myrzahmetov Qazaqstan Respýblıkasynyń Qorǵanys mınıstri bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.
Aıdos Myrzahmetov — áskerı qyzmetke jıyrma jyldan astam ýaqytyn arnaǵan kadrlyq ofıtser.
1981 jylǵy 12 tamyzda Almaty oblysynyń Jambyl aýdanynda dúnıege kelgen.
2002 jyly Qazaqstan Respýblıkasy Qarýly Kúshteriniń Áskerı akademııasyn úzdik aıaqtaǵan. Keıingi jyldary ulttyq qaýipsizdik jáne memlekettik kúzet júıesinde jedel jáne komandalyq daıarlyq boıynsha birqatar kýrstan ótken.
Aıdos Myrzahmetov Qazaqstan Respýblıkasy Memlekettik kúzet qyzmetindegi ofıtserlik qyzmettiń satylarynan ótip, komandalyq jáne basshylyq laýazymdardy atqarǵan.
2024 jylǵy qańtarda Qazaqstan Respýblıkasy Qarýly Kúshteriniń Arnaıy operatsııalar kúshteriniń qolbasshysy bolyp taǵaıyndaldy.
2025 jyly Ulttyq qorǵanys ýnıversıtetin bitirgen.
2022 jyly II dárejeli «Aıbyn» ordenimen nagradtalǵan.
Úılengen, úsh balasy bar.
Buǵan deıin Prezıdent Dáýren Qosanovty Qorǵanys mınıstri laýazymynan bosatty.
