Prezıdent avtonomdy robottyń múmkindikterimen tanysty
ASTANA. KAZINFORM — Memleket basshysy Qasym-Jomart Toqaev Astanada ótken Jasandy ıntellekt boıynsha ІІІ halyqaralyq olımpıadanyń ashylý saltanatynda avtonomdy robottyń múmkindikterimen tanysty. Bul týraly Aqordanyń baspasóz qyzmeti habarlady.
Іs-shara barysynda Memleket basshysy halyqaralyq olımpıadanyń qurylymymen, baıqaý tapsyrmalarymen jáne avtonomdy robottyń múmkindikterimen tanysty.
Astana qalasynda 2-8 tamyz aralyǵynda ótetin Jasandy ıntellekt boıynsha halyqaralyq olımpıadaǵa 106 elden kelgen 500-den astam daryndy oqýshy qatysýda. Olar JI úlgilerin ázirleý jáne avtomatty robottardy baǵdarlamalaý saıystarynda baq synaıdy.
Aıta ketelik Memleket basshysy Qasym-Jomart Toqaev Astanada ótken Jasandy ıntellekt boıynsha ІІІ halyqaralyq olımpıadanyń ashylý saltanatynda sóz sóılegen edi.
