Prezıdent avtokólik joldarynyń qurylysyn synǵa aldy

ASTANA. QazAqparat – Avtokólik joldarynyń qurylysynda mindetin adal atqarmaǵan barlyq kompanııa zań boıynsha jaýapqa tartylady. Bul týraly búgin Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Avtokólik joldarynyń qurylysy máselesi sheshimin tabýǵa tıis. Qazir onyń sapasy syn kótermeıdi. Tıisti jumystar ýaqtyly jáne sapaly jasalmaıdy. Jemqorlyq beleń alyp tur, báseke de joqtyń qasy. Munyń bári – osy salada ábden tamyr jaıǵan kemshilikter», - dedi Qasym-Jomart Toqaev.

Bul turǵyda Prezıdent jyl sońyna deıin naqty sharalar qabyldaýdy tapsyrdy.

«Mindetin adal atqarmaǵan barlyq kompanııa zań boıynsha jaýapqa tartylady. Bul máselege men basa nazar aýdaramyn. Baqylaýdy kúsheıtip, jańa normatıvtik qujattar qabyldaý kerek. 2029 jylǵa deıin 4 myń shaqyrymnan astam jolǵa kúrdeli jóndeý júrgizý qajet», - dedi Memleket basshysy.

Budan buryn habarlanǵandaı, PrezıdentQazaqstanda Kólik mınıstrligi qaıta qurylatynyn aıtty.