Prezıdent aýrýhanalardy ottegimen qamtamasyz etý máselesin sheshý úshin Úkimetke bes kún berdi
NUR-SULTAN. QazAqparat – Prezıdent Qasym-Jomart Toqaev aýyr jaǵdaıda jatqan naýqastardyń kóbeıýýine baılanysty aýrýhanalardy ottegimen qamtamasyz etý máselesi alǵa shyqqanyn málim etti, dep habarlaıdy QazAqparat tilshisi Aqordaǵa silteme jasap.
«Memlekettik organdardyń tarapynan úılestirý jumystary durys júrgizilmegendikten, halyq bul máseleni óz betimen sheshýge talpynýda. Bul eshqandaı qısynǵa saı kelmeıdi! Azamattar óndiristik ballondarǵa quıylǵan ottegi satyp alyp jatyr. Bul – aýrýhanalardyń tikeleı mindeti. Jeke úıler men páterlerde óndiristik ballondardaǵy ottegini paıdalaný derekteri anyqtalǵan. Úkimet pen ákimder bes kún ishinde aýrýhanalardy ottegimen qamtamasyz etý jáne úı jaǵdaıynda ottegi ballondaryn paıdalaný problemalaryn sheshýi kerek», – dedi Memleket basshysy koronavırýs ınfektsııasynyń taralýyna qarsy kúres máseleleri boıynsha selektorlyq otyrysynda.
