Prezıdent: Aýyzbirshiligi myqty, tatý-tátti otbasy – baqytty balalyq shaqtyń arqaýy
ASTANA. KAZINFORM – Memleket basshysy Qasym-Jomart Toqaev Halyqaralyq balalardy qorǵaý kúnimen quttyqtady
– Halyqaralyq balalardy qorǵaý kúni qutty bolsyn! Jas urpaqtyń quqyǵyn qorǵaý, densaýlyǵyn saqtaý jáne olardyń jan-jaqty damýyna qolaıly jaǵdaı jasaý – jalpyulttyq maqsat jáne konstıtýtsııalyq mindet. Aýyzbirshiligi myqty, tatý-tátti otbasy – baqytty balalyq shaqtyń arqaýy. Sondyqtan otbasy qundylyqtaryn qorǵaý jańa Konstıtýtsııanyń asa mańyzdy normasynyń biri retinde aıqyndaldy. Óskeleń urpaqtyń jasampazdyq rýhy orasan zor. Olar bilim men sportta, ónerde mol tabysqa jetýde. Meniń bastamammen qolǵa alynǵan «Ulttyq qor – balalarǵa» jobasy aıasynda memleket tarapynan árbir balaǵa qamqorlyq jasalyp jatyr. Bıyl «Qazaqstan balalary» tujyrymdamasy iske asyryla bastady. Jas býyndy qoldaý árdaıym elimizdiń, ıaǵnı Ádiletti jáne Ozyq Qazaqstannyń basty nazarynda bolady, – dep jazdy Prezıdent Instagram paraqshasynda.
Aıta keteıik, Qazaqstanda balalardy qorǵaý baǵytynda qandaı bastamalar júzege asyp jatqanyn mynaý siltemeden oqı alasyz.
