Prezıdent: Aýǵanstandaǵy aýyr gýmanıtarlyq jaǵdaıǵa basa mán berýimiz qajet

NUR-SULTAN. QazAqparat – QR Prezıdenti Qasym-Jomart Toqaev BUU Bas Assambleıasy 76-sessııasynyń Jalpy debattarynda sóılegen sózinde Aýǵanstandaǵy jaǵdaıǵa toqtaldy, dep habarlaıdy QazAqparat.

«Qazaqstan Aýǵanstannyń bolashaqta óz ishinde birligi jarasqan jáne kórshilerimen tatý turatyn táýelsiz ári egemen memleket bolǵanyn qalaıdy. Aýǵanstan óziniń halyqaralyq mindettemelerin oryndaýdy jalǵastyryp, el aýmaǵyn terrorıstter, esirtki tasymaldaýshylar men adam saýdasymen aınalysatyndardyń oshaǵyna aınaldyrmaýy tıis. Ózimizdiń saıası nemese jeke pikirlerimizge qaramastan, Aýǵan halqynyń taǵdyryna beı-jaı qaraı almaımyz. Aýǵanstandaǵy aýyr gýmanıtarlyq jaǵdaıǵa basa mán berýimiz qajet. BUU mekemeleri men basqa da gýmanıtarlyq uıymdarǵa jyldam, qaýipsiz ári kedergisiz gýmanıtarlyq qoljetimdilik berilýi tıis», – dedi Qasym-Jomart Toqaev.