Prezıdent Atyraýdy damytýǵa qatysty 7 mindetti aıqyndap berdi
NUR-SULTAN. QazAqparat - QR Prezıdenti Qasym-Jomart Toqaevtyń Atyraý oblysynyń áleýmettik-ekonomıkalyq damý máseleleri jónindegi keńeste óńirdi damytýǵa qatysty 7 mindetti aıqyndap berdi, dep habarlaıdy QazAqparat.
«Atyraý oblysynyń jaǵdaıy týraly barlyq baıandamalardy tyńdadyq. Aımaqty damytýǵa qatysty naqty maqsat-mindetterimiz bar. Іndetten týyndaǵan qıyndyqqa qaramastan, el ekonomıkasyn qalpyna keltirýge kúsh jumyldyrýymyz qajet. Qazir búkil álem damýdyń daǵdarystan keıingi kezeńine qadam basty. Biz osy úrdisten qalyp qoımaýymyz kerek. Sondyqtan, mynadaı mindetterdi sheshýge basa mán bergen jón», - dedi onlaın formatta ótken keńeste Qasym-Jomart Toqaev.
Birinshi - munaı-gaz ónerkásibin damytý, ekinshi - avtojoldardy damytý, úshinshi - jumyspen qamtý, tórtinshi -densaýlyq saqtaý júıesin nyǵaıtý, besinshi - óńirdi turaqty energııamen qamtý, altynshy - óńirdi sýmen qamtamasyz etý.
«Jetinshisi – turǵyndardyń densaýlyǵy jáne ómir sapasy óńirdegi ekologııalyq jaǵdaıǵa baılanysty», - dedi Prezıdent.
