Prezıdent Atyraý oblysyndaǵy joldardyń sapasyn synǵa aldy
ATYRAÝ OBLYSY. QazAqparat - Memleket basshysy Qasym-Jomart Toqaev Atyraý oblysyndaǵy joldardyń sapasyn synǵa aldy. Bul týraly QazAqparat QR Prezıdentiniń twitter-degi paraqshasyna silteme jasap habarlaıdy.
«Oblysta 2 myń shaqyrymnan astam avtokólik joly bar. Biraq, onyń teń jartysyna jýyǵy nashar. Qalǵan 217 shaqyrym joldy jóndeý jumysyn 2021 jyldan keshiktirmeı qolǵa alýdy tapsyramyn. Atalǵan jobaǵa qosymsha 65 mlrd teńge bólinedi», - dedi Qasym-Jomart Toqaev.
Sondaı-aq, Memleket basshysy óńirdegi gıdrotehnıkalyq nysandardyń eskiligine de toqtaldy.
«Halyqty taza aýyz sýmen qamtamasyz etýdi aıtpaı ketýge bolmaıdy. Gıdrotehnıkalyq nysandar uzaq ýaqyt boıy jóndeý kórmegen, jańǵyrtylmaǵan. Ózdiginen sý shyǵaryp jatqan 120 uńǵyma óńirdiń sý qoryna aıtarlyqtaı nuqsan keltirýde. Olar joıylýy tıis!», - dedi ol.
Eske sala ketsek, keshe Qasym-Jomart Toqaev Atyraý oblysyna jumys saparymen kelgendigi týraly habarlaǵan bolatynbyz.
