Prezıdent atynan Qanat Aıtbaevqa memlekettik nagrada tabystaldy
ASTANA. KAZINFORM – Mádenıet jáne óner qyzmetkerleri kúnine oraı QR Premer-mınıstriniń orynbasary – Mádenıet jáne aqparat mınıstri Aıda Balaeva Memleket basshysynyń atynan «DımashAlı» shyǵarmashylyq ortalyǵynyń jetekshisi, kompozıtor, prodıýser, mýzykant Qanat Aıtbaevqa «Parasat» ordenin tabystady.
Aıda Balaeva Qanat Aıtbaevtyń otandyq mádenıet pen ónerdi damytýdaǵy eleýli eńbegin, sondaı-aq qazaqstandyq mýzyka ónerin qoldaý jáne keńinen nasıhattaý jolyndaǵy úlesin erekshe atap ótti.
«Parasat» ordeni ǵylym, mádenıet, ádebıet pen óner salalaryn damytýǵa sińirgen aıryqsha eńbegi, sondaı-aq eldiń rýhanı jáne zııatkerlik áleýetin nyǵaıtýǵa qosqan úlesi úshin beriledi.
Aıta keteıik, Qanat Aıtbaev jeke jaǵdaıyna baılanysty buǵan deıin Mádenıet jáne óner qyzmetkerleri kúnine oraı ótken saltanatty marapattaý rásimine qatysa almaǵan bolatyn.
Aıta keteıik, 2026 jylǵa arnalǵan mádenıet salasyndaǵy memlekettik stıpendııalardy taǵaıyndaý konkýrsyna qujat qabyldaý bastaldy.
