«Prezıdent astanany Qostanaıǵa aýystyrý týraly málimdedi» - feık

NUR-SULTAN. QazAqparat - Áleýmettik jelilerde Prezıdent Qasym-Jomart Toqaevtyń el astanasyn Qostanaıǵa kóshirý týraly málimdegeni jaıly aqparat tarap jatyr. Stopfake.kz saıtynyń jazýynsha, bul – feık, dep habarlaıdy QazAqparat.

«Resmı derekkózderde mundaı aqparat joq. Elimizdegi negizgi BAQ mundaı habarlamalar jarııalamaǵan. Elordany kóshirý týraly málimdeme akorda.kz resmı portalynda da shyqpaǵan.
Qasym-Jomart Toqaev óziniń Twitter-degi akkaýntynda da bul týraly jazbaǵan.
Qazaqstan Prezıdenti baspasóz qyzmetiniń Twitter-akkaýntynda da el astanasyn Qostanaıǵa kóshirý týraly jańalyq joq.
Demek, Qasym-Jomart Toqaevtyń Qazaqstan astanasyn Qostanaıǵa aýystyrý týraly málimdemesi feık», - dep qorytady Stopfake.kz saıty.