Prezıdent astanalyq oqýshynyń armanyn oryndady
Memleket basshysy Qasym-Jomart Toqaevqa hat jazǵan astanalyq oqýshynyń armany oryndaldy, dep habarlaıdy Kazinform.
12 jasar Kemel Júsipov QR Prezıdentine hat jazyp, ony áleýmettik jelide jarııalaǵan.
«Qurmetti Qasym-Jomart Kemeluly! Meniń atym Sizdiń ákeńizdiń esimi sııaqty – Kemel. Osydan týra 12 jyl buryn 4 jeltoqsanda ata-anam maǵan osy esimdi berdi. Men Astanada turamyn, Qazaqstan tarıhyn, dúnıejúzilik tarıh pen geografııany súısine oqımyn, túrli elderdiń banknoty men monetalaryn jınaımyn, saıahattaǵandy unatamyn jáne 4 elde boldym. Bútin álemdi sharlap shyǵýdy armandaımyn... Men Sizben kezdesýdi jáne qoltańbańyz qoıylǵan «Áke týraly oı-tolǵaý» kitabyn syılyqqa alýdy armandaımyn. Hatyma nazar aýdarasyz jáne armanym oryndalady dep úmittenemin», - delingen oqýshynyń hatynda.
Kúni keshe Kemel Júsipov Instagram-daǵy paraqshasynda Memleket basshysy óziniń armanyn oryndaǵanyn jazdy.
«Prezıdent hatymdy oqydy. Ózimniń 12 jasqa tolǵan týǵan kúnime Toqaev Qasym-Jomart Kemelulynyń izgi tilegi men qoltańbasy bar kitapty syılyqqa aldym. Armanym oryndaldy, áli sene alar emespin», - dedi jetkinshek.
Posmotret etý pýblıkatsııý v InstagramPosmotret etý pýblıkatsııý v Instagram
