Prezıdent Astanadaǵy bazarlardy tártipke keltirýdi júktedi
ASTANA. QazAqparat - Búgin elordany odan ári damytý jónindegi keńeste Prezıdent Nursultan Nazarbaev elordalyq bazarlardy tártipke keltirýdi tapsyrdy.
«Paıdalanylyp jatqan bazarlardyń adam qaraǵysyz túrleri bar. Memleket shaǵyn jáne orta bıznesti damytý úshin jaǵdaı jasaýda. Óz kezeginde, ásirese astanalyq bazar qazirgi zamanǵy talaptarǵa sáıkes jumys isteýi tıis»,- dedi Prezıdent.
Memleket basshysynyń sózine qaraǵanda, azyq-túlik taýarlaryn saýdalaıtyn qaladaǵy on bes bazardyń ishindegi úshten birinde sapa boıynsha ókiletti organdardyń qorytyndysy joq.
«Qalaı bolsa solaı jumys istep, salyqtardy tólemeı jatyr. «Eýrazııanyń» bir ózi mıllıard teńge salyq tólemegen. «Shanhaı» bazarynda sanıtarlyq talaptar saqtalmaǵan», - dep toqtaldy Memleket basshysy.
«Bul turǵyda bul bazarlardy jaýyp tastaý kerek degen másele kóterilip otyrǵan joq. Olarǵa tıisti talaptar qoıylyp, oryndalmaǵan jaǵdaıda aıyppul salý kerek. Las oryndarda jumys isteýge bolmaıdy. Adamdar osy saýda oryndarynda azyq-túlik alady ǵoı»,-dedi Prezıdent.
Sóz sońynda N. Nazarbaev ákimdikke, Qarjy mınıstrligine, Tutynýshylar quqyǵyn qorǵaý agenttigine qalalyq bazarlardy tıisti tártipke keltirýdi tapsyrdy.
