Toqaev Astanadaǵy Inklıýzıvti sport ortalyǵyn aralady
ASTANA. KAZINFORM — Memleket basshysy Qasym-Jomart Toqaev Inklıýzıvti sport ortalyǵynyń qyzmetimen tanysty. Bul týraly Aqordanyń baspasóz qyzmeti habarlady.
Bul elimizdegi múgedektigi bar adamdarǵa arnalǵan sporttyq, medıtsınalyq, ońaltý jáne bilim berý ınfraqurylymyn biriktirgen alǵashqy keshen.
Astanada múmkindigi shekteýli 42 myńǵa jýyq azamat turady.
Olardyń basym kópshiligi — balalar, jastar men eńbekke qabiletti jastaǵy adamdar.
Olar ortalyqta sportpen turaqty túrde shuǵyldanyp, ońaltý kýrsynan óte alady. Osylaısha, áleýmettik ortaǵa boı úıretedi.
Mekemede kóp fýnktsıonaldy sport zaly, reabılıtatsııa blogy, 15 medıtsınalyq kabınet, konferents-zal, sondaı-aq alty bólmeli qonaq úı sektory qarastyrylǵan. Munda oqý-jattyǵý jıyny, jarystar men bilim berý baǵdarlamalary kezinde parasportshylar jaıǵasady.
Ortalyqta sporttyń 12 beıimdelgen túrinen jattyǵý júrgiziledi. Sport jáne bilim salalarynda múmkindigi shekteýli balalarmen jumys isteıtin maman daıarlaýǵa aıryqsha mán beriledi.
Budan buryn Toqaev Tanym kópfýnktsıonaldy keshenine jáne New Generation School Astana ǵımaratyna bardy.