Prezıdent Astanada Qazaqstan-Qytaı jasandy ıntellekt mektebin ashýdy usyndy
ASTANA. KAZINFORM — Qazaqstanda jasandy ıntellekt salasyna maman daıarlaý isin mektep qabyrǵasynan bastap kúsheıtý qajet.
Memleket basshysy Qasym-Jomart Toqaev Úkimetke Qazaqstan-Qytaı jasandy ıntellekt mektebin ashý máselesin pysyqtaýdy tapsyrdy.
— Qyrkúıekte Jasandy ıntellekt ýnıversıteti ashylady. Biraq bul jetkiliksiz dep oılaımyn. Úkimet Qytaıdyń jańa tehnologııalardy meńgerýdegi jetistigi men tájirıbesin eskere otyryp, Astanada Qazaqstan-Qytaı jasandy ıntellekt mektebin ashý máselesin pysyqtaǵany jón, — dedi Qasym-Jomart Toqaev elordada respýblıkalyq Tamyz konferentsııasynda.
Buǵan deıin Memleket basshysy mektepterge JI engizý tapsyrmasy tıisti deńgeıde oryndalmaǵanyn synaǵan edi.
Prezıdent balalar men pedagogterdiń JI-di durys ári júıeli qoldaný tártibin belgileıtin pármendi sharalardy shuǵyl qabyldaýdy tapsyrdy.
Sondaı-aq Prezıdent áleýmettik jelide bilim berý salasyna qatysty negizsiz daý-damaı men aıqaı-shýdyń kóbeıgenin synǵa aldy.
