Prezıdent: Astana qalasynyń mádenıet pen bilim ordasy bolýy qajet ekenin udaıy qaperde ustap kelemin
ASTANA. Naýryzdyń 19-y. QazAqparat /Rýslan Ǵabbasov/ - Bıyl Elordamyzda Óner ýnıversıteti paıdalanýǵa beriledi. Bul týraly búgin Astanada Naýryz meıramyna arnalǵan merekelik keshte Elbasy Nursultan Nazarbaev málim etti,
dep habarlaıdy QazAqaparat.
«Men óz tarapymnan elordasy - Astana qalasynyń mádenıet pen bilim ordasy bolýy qajet ekenin udaıy qaperde ustap kelemin. Halyq ıgiligine usynylǵan Kúlásh Baıseıitova atyndaǵy opera jáne balet teatry, konservatorııa, Rýhanııat pen kelisim saraıyndaǵy kontsert zaly, bıyl irgesi qalanatyn Opera jáne balet teatrynyń jańa ǵımaraty sonyń jarqyn aıǵaǵy», dedi N. Nazarbaev.
Elbasy bıyl Elordada Óner ýnıversıteti paıdalanýǵa berilip, Halyqaralyq jańa ýnıversıtet ashylatynyn jetkizdi. «Zamanaýı tehnologııamen jabdyqtalǵan, halyqaralyq deńgeıdegi bul mádenıet jáne bilim oshaqtary Qazaqstandy jańa beleske kóteredi dep bilemin.
Ulttyq mádenıet pen ónerge degen qamqorlyq aldaǵy ýaqytta da jalǵasa beredi»,-dep atap ótti Prezıdent.
Memleket basshysy bul jetistikterdiń barlyǵy elimizdegi tynyshtyq pen tatýlyqtyń, qoǵamdaǵy bereke men birliktiń arqasy ekenin jete túsiný qajet dep qadap aıtty.
