Prezıdent: Astana barlyq bastamalar men oń ózgeristerdiń flagmany

  ASTANA. QazAqparat - Astana elimizdegi barlyq bastamalar men oń óńgeristerdiń flagmany. Bul týraly búgin elordadaǵy Kongress holl ortalyǵynda ótip jatqan «Astana» halyqaralyq qarjy ortalyǵynyń resmı ashylýynda Elbasy Nursultan Nazarbaev aıtty, dep habarlaıdy QazAqparat tilshisi.

«Bul kúnderi ásem Astanamyzdyń 20 jyldyq mereıtoıyn ótkizgeli otyrmyz. Tarıh úshin qas qaǵym 20 jyldyń ishinde dalanyń dál ortasynda turǵan shaǵyn qala búgin mıllıonnnan astam halqy bar megapolıske aınaldy. Astana Táýelsizdiktiń, elimizdiń bereke-birliginiń, damýynyń, dárejesiniń sımvoly bolyp keledi. Astana elimizdegi barlyq bastamalar men oń ózgeristerdiń flagmany. Halyqaralyq qarjy ortalyǵynyń ashylýy sonyń kórinisi», - dedi Elbasy.

Nursultan Nazarbaev qarjy ortalyǵynyń tusaýkeser saltanatyna búgin elýden astam memleket pen halyqaralyq uıymdardyń ókilderi kelip otyrǵanyn aıtyp, olarǵa alǵysyn bildirdi.

«Ásirese, Ábý Dabıdiń taq murageri, BAÁ Qarýly kúshteri Joǵarǵy bas qolbasshysynyń orynbasary sheıh Muhammed ben Zaıd ál Nahaıan  myrzaǵa, osynda otyrǵan Tatarstan Prezıdenti Rýstam Mınnıhanov myrzaǵa erekshe yqylasymdy bildiremin», - dedi Elbasy.

Qazaqstan Prezıdentiniń atap ótýinshe, elordanyń 20 jyldyq mereıtoıyna Ózbekstan, Qyrǵyzstan jáne Tájikstan Prezıdentteri de qatysatyn bolady.