Prezıdent: Áskerı-kólik avıatsııasy parkin tolyqtyrý isin qolǵa alamyz

NUR-SULTAN. QazAqparat – Memlekettik shekarany nyǵaıtýymyz kerek. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Elimizdiń qaýipsizdigin nyǵaıtý jáne qaýip-qaterdiń aldyn alý úshin shuǵyl is-sharalardy júzege asyrý qajet. Biz sarbazdardy áskerı tehnıka men qarý-jaraqty qajetti jerge jedel jetkizý úshin áskerı-kólik avıatsııasy parkin tolyqtyrý isin qolǵa alamyz. Memlekettik shekarany nyǵaıtýymyz kerek. Sonyń ishinde ishki kóshi-qon salasyn tártipke keltiretin kez keldi. Qarý-jaraq aınalymyn muqııat tekserip, ony zań turǵysynan retteý qajet. Shuǵyl túrde qıraǵan ǵımarattar men arnaýly tehnıkany jóndep, beınebaqylaý júıesin iske qosyp, quqyq qorǵaý organdarynyń qyzmetin qalpyna keltirý kerek», - dedi Májilis otyrysyna beınebaılanys arqyly qatysqan Qazaqstan Prezıdenti.