Prezıdent asyra silteıtin kózqarastar jaıynda: Dúnıe aq pen qaradan ǵana turmaıdy

BÝRABAI. KAZINFORM – Ulttyq oı-sanamyz myqty bolýy kerek. Bul týraly Ulttyq quryltaıdyń IV otyrysynda Memleket basshysy Qasym-Jomart Toqaev aıtty.

құрылтай
Фото: Ақорда

- Biz tarıh, dástúr jáne qazirgi zaman qundylyqtaryn árdaıym birdeı ustanyp kelemiz. Jurtty saıası pragmatızmge shaqyryp, qoǵamda zań men tártipti ornyqtyrý mańyzdy ekenin burynnan aıtyp júrmiz. Qazir álemde bolyp jatqan oqıǵalar bizdiń baǵdarymyzdyń durys ekenin kórsetti. Árıne, sheteldegi jaǵdaıdy únemi eskerip otyrý mańyzdy. Biraq biz aldymen óz elimizdiń ishki máselelerine den qoıýymyz kerek. Biz ulttyq múddemizdi qorǵaý úshin aldaǵy ýaqytta da utymdy ári baıypty áreket etýimiz kerek, - dedi Prezıdent.

Osy oraıda Memleket basshysy talaı zamannan kele jatqan ókpe-renishterden, ótkenge qur maqtanýdan jáne bárin orynsyz synap-mineýden arylý qajettigin basa aıtty.

- Áleýmettik masyldyq pen saıası taıazdyqqa meılinshe jol bermeýge tıispiz. Shekten shyǵyp, tym asyra silteıtin kózqarastarǵa barynsha tosqaýyl qoıǵan jón. Óıtkeni bul dúnıe aq pen qaradan ǵana turmaıdy. Kez kelgen máselede ózgelerdi aıyptap, qara bultty tóndire berýge bolmaıdy. Qoǵam sanasyndaǵy osyndaı qubylystar ultymyzdy ıdeologııalyq jáne mádenı turǵydan álsiretedi. Tipti, elimiz qazirgi qatigez álemde ózgelerge jem bolýy múmkin. Bir sózben aıtsaq, bizdiń ulttyq oı-sanamyz myqty bolýy kerek. Jahandy belgisizdik jaılaǵan bulyńǵyr zamanda básekege barynsha qabiletti bolý úshin barlyq jaǵynan kemel ult bolýymyz qajet. Bul – órkenıetti, ıkemdi, maqsatshyl jurt bolý degen sóz, - dedi Qasym-Jomart Toqaev.

Qasym-Jomart Toqaev prezıdenttik basty mıssııasyn ataǵan bolatyn.

 

Сейчас читают