Prezıdent «Arý-Ana» úzdik áıelder jobasy baıqaýynyń jeńimpazdaryn marapattady
ASTANA. KAZINFORM – Prezıdent Halyqaralyq áıelder kúnine arnalǵan saltanatty jıynda «Arý-Ana» úzdik áıelder jobasy baıqaýynyń jeńimpazdaryn marapattady. Bul týraly Aqordanyń baspasóz qyzmeti málimdedi.
Bul joly marapat túrli salada áleýmettik mańyzy bar jobalardy júzege asyryp, azamattyq qoǵamnyń damýyna eleýli úles qosyp júrgen qyz-kelinshekterge alty nomınatsııa boıynsha tabystaldy.
«Arý-Ana» baıqaýynyń jeńimpazdary:
1. «Aýyl áıelderin damytýǵa arnalǵan úzdik joba» nomınatsııasy boıynsha – Elshibaeva Baqytgúl Qazezbaıqyzy;
2. «Ǵylym salasyndaǵy úzdik joba» nomınatsııasy boıynsha – Shakýlıkova Gúlzada Táńirbergenqyzy;
3. «Azamattyq sana-sezimdi damytý baǵytyndaǵy úzdik joba» nomınatsııasy boıynsha – Ahmedjanova Álııa Serikbolqyzy;
4. «Ulttyq mádenı murany nasıhattaý baǵytyndaǵy úzdik joba» nomınatsııasy boıynsha – Mıhaleva Anastasııa Anatolevna;
5. «Agrobıznes salasyndaǵy úzdik joba» nomınatsııasy boıynsha – Arqashbaeva Botagóz Mahambetqalıqyzy;
6. «Kreatıvti ındýstrııa salasyndaǵy úzdik joba» nomınatsııasy boıynsha – Edilbekova Mádına Edilbekqyzy;
Saltanatty jıynnan keıin Memleket basshysy Qasym-Jomart Toqaev 8 naýryz – Halyqaralyq áıelder kúnine arnalǵan «Áıelmen álem ádemi» atty merekelik kontsertti tamashalady.
