Prezıdent Armenııa eliniń basshylaryn Táýelsizdik kúnimen quttyqtady
ASTANA. KAZINFORM — Prezıdent Qasym-Jomart Toqaev Armenııa táýelsizdiginiń 35 jyldyǵyna oraı Prezıdent Vaagn Hachatýrıan men Premer-mınıstr Nıkol Pashınıanǵa quttyqtaý jedelhatyn joldady. Bul týraly Aqorda málim etti.
Memleket basshysy armıan halqynyń ulttyq birligi men jasampaz rýhyn, sondaı-aq eldiń halyqaralyq arenadaǵy abyroı-bedelin pash etetin bul aıtýly kúnniń tarıhı mańyzy zor ekenin atap ótti. Qasym-Jomart Toqaev memleketaralyq yqpaldastyq pen strategııalyq seriktestik odan ári nyǵaıa túsetinine senim bildirdi.
— Qazaq-armıan yntymaqtastyǵy oıdaǵydaı órbip, birlesken kúsh-jigerdiń arqasynda mán-mazmuny tolyǵyp keledi. Bul elderimiz arasyndaǵy dostyq pen strategııalyq seriktestik rýhyna saı. Qazaqstannyń Armenııamen san qyrly baılanysty kúsheıtýge nıetti ekenin rastaımyn, — dep jazylǵan jedelhatta.
Prezıdent Armenııa eli basshylaryna memlekettik qyzmette tolaıym tabys, al dostas armıan halqyna baq-bereke tiledi.
Buǵan deıin Prezıdent Pýtındi Memlekettik Dýma saılaýynyń ótýimen quttyqtady.
