Prezıdent Arman Qyryqbaevqa tarıhı-mádenı murany saqtaý jumystaryn kúsheıtýdi tapsyrdy
ASTANA. KAZINFORM - Memleket basshysy Mádenıet jáne aqparat mınıstri Arman Qyryqbaevty qabyldady. Bul týraly Aqordanyń baspasóz qyzmeti habarlady.
Kezdesý barysynda Prezıdent Qasym-Jomart Toqaev Mádenıet jáne aqparat mınıstrligi qyzmetiniń basym baǵyttaryn aıqyndap, vedomstvo aldyna birqatar naqty mindet qoıdy.
Memleket basshysy mádenıet pen kreatıvti ındýstrııany odan ári damytýdy, tarıhı-mádenı murany saqtap, keńinen nasıhattaý jumystaryn kúsheıtýdi tapsyrdy. Sondaı-aq Qazaqstan mádenıetin halyqaralyq arenada dáripteýdiń mańyzyn atap ótti.
Memlekettik aqparattyq saıasat máselelerine erekshe nazar aýdaryldy. Prezıdent otandyq aqparat keńistigin jandandyrýǵa, sonyń ishinde zań jobalaý jumysyn zamanaýı tsıfrlyq táýekelderdi eskere otyryp jetildirýge kúsh salý qajet dep sanaıdy.
Budan bólek, Memleket basshysy qoǵamdyq kelisimdi nyǵaıtý jumystaryn dáıekti túrde jalǵastyrý, jastardyń jasampaz áleýetin júzege asyrýyna jaǵdaı jasaý jóninde mindet júktedi.
Aıta ketelik Arman Qyryqbaev Qazaqstan Respýblıkasynyń Mádenıet jáne aqparat mınıstri bolyp taǵaıyndaldy, ol burynǵy atqarǵan laýazymynan bosatylǵan edi.
