Qazaqstan BUU Bas assambleıasy sessııalaryna qatysqan kezdegi biregeı sýretter
ASTANA. KAZINFORM – Prezıdent arhıvi Kazinform agenttigine 1990 jyldardyń sońynda elimiz BUU Bas assambleıasy sessııalaryna qatysqan kezdegi eksklıýzıv kadrlardy usyndy. Arhıv usynǵan sýretterde sol kezdegi elimizdiń Syrtqy ister mınıstri Qasym-Jomart Toqaev beınelengen.
Atap aıtqanda, sýrettiń biri 1997 jyldyń 30 qyrkúıeginde BUU Bas assambleıasynyń Nıý-Iorkte ótken 52-sessııasynda, ekinshisi 1999 jyldyń 24 qyrkúıeginde BUU Bas assambleıasynyń 54-sessııasynda túsirilgen. Bul sessııa da Nıý-Iorkte ótti.
Keıinirek, 2011 jyldyń naýryzynda Qasym-Jomart Toqaev dıplomatııalyq mıssııasyn halyqaralyq deńgeıde jalǵastyryp, BUU Bas hatshysynyń orynbasary qyzmetine taǵaıyndaldy ári uıymnyń Jenevadaǵy bólimshesiniń Bas dırektory boldy.
Esterińizge sala ketsek, 9 qyrkúıekte BUU bas assambleıasynyń mereıtoılyq 80-sessııasy jumysyn bastady. Halyqaralyq uıym 80 jyldyń ishinde soǵystan keıingi bitimgershilikten jahandyq gýmanıtarlyq mıssııaǵa deıingi joldan ótti.
Aıta keteıik, 21 qyrkúıekte Memleket basshysy Qasym-Jomart Toqaevtyń Nıý-Iorkke jumys sapary bastaldy. Sapar aıasynda Prezıdent BUU Bas Assambleıasynyń mereıtoılyq 80-shi sessııasy aıasyndaǵy Jalpy debatta sóz sóıleıdi.