Prezıdent ár oblysta erekshe qajettiligi bar balalardy qoldaý ortalyǵyn salýdy tapsyrdy
ASTANA. KAZINFORM — Quryltaı qos palataly Parlamenttiń depýtattary qarap úlgermegen birqatar zań jobasyn qabyldaýǵa tıis. Bul jóninde Memleket basshysy Qasym-Jomart Toqaev aıtty.
Prezıdenttiń aıtýynsha, erekshe qajettiligi bar balalardy jan-jaqty qoldaý jónindegi zańǵa basa nazar aýdarý qajet.
— Men osy másele jóninde Ulttyq quryltaıdyń Býrabaıdaǵy otyrysynda aıttym. Biz erekshe qajettiligi bar balalarǵa kórsetiletin ataýly qoldaýdyń tıimdi júıesin qurýymyz kerek. Olardyń tolyqqandy bilim alýyna jaǵdaı jasaý qajet, — dedi Qasym-Jomart Toqaev birinshi shaqyrylymdaǵy Quryltaıdyń birinshi sessııasynda.
Ásirese, medıtsınalyq jáne áleýmettik qyzmetterdiń sapasyn arttyrý kerek
— Osyndaı balalarǵa arnalǵan ortalyqtardy ár oblystyń jáne úlken aýdandardyń qalalarynda salý qajet. Demeýshiler de osy mańyzdy is-sharaǵa qatysady dep senemin. Memleket shyn muqtaj jandarǵa árdaıym qoldaý kórsetýi kerek. Bul — men úshin turaqty ustanym, — dedi Memleket basshysy.
Buǵan deıin Q. Toqaev Quryltaıdyń alǵashqy quramyna aıryqsha jaýapkershilik júkteletinin aıtqan edi.
Sheteldik ınvestorlar quıǵan qomaqty qarjy nátıjesinde elimizdiń barlyq óńirinde jańa óndiris nysandary men jumys oryndary ashylyp jatyr.
Sondaı-aq Quryltaı bılik júıesinde irgeli ózgeristerge jol ashady.
