Prezıdent: Ár qazaqstandyq óz taǵdyrynyń eńbekqor qojaıyny bolýy tıis
ASTANA. 5 qyrkúıek. QazAqparat - Memlekettiń eń basty maqsaty - zeınetkerler men múgedekterge kómek kórsetý. Bul týraly búgin Astanadaǵy Nazarbaev Ýnıversıtetindegi ınteraktıvtik dárisi barysynda Qazaqstan Respýblıkasynyń Prezıdenti Nursultan Nazarbaev málim etti.
«Tártip pen eńbek sapasy - óte mańyzdy. Osy qarapaıym erejelersiz tabysty áleýmettik jańǵyrtý jaıynda aıtý qıyn. Eger ár qazaqstandyq óz taǵdyrynyń eńbekqor qojaıyny bolmasa, eldegi bar jaqsyny arttyrýǵa úles qospasa nemese ony baǵalamasa, onda memleket qanshalyqty halyqtyń ál-aýqatyn arttyrýǵa kúsh salsa da ol óspeıdi», - dedi Elbasy.
Osy oraıda Prezıdent qur qol qýsyryp otyrýǵa bolmaıtynyn aıta kele, «Memleket tıisti jaǵdaı jasap otyr. Memlekettiń eń basty maqsaty - jumys isteı almaıtyndarǵa, ıaǵnı zeınetkerler men múgedekterge kómek kórsetý. Al qol-aıaǵy saý azamattarǵa eńbek etýge jaǵdaı jasalýda. Bizdiń keıbir azamattar bala-shaǵasyna tólegen járdemaqasyna kúneltip, úıinde otyr. Áıteýir, tamaǵyna jetip, ashtan ólmese boldy, nesine jumys isteımin dep otyr. Osyndaı psıhologııamen ol balalaryn qalaı tárbıeleıdi, qalaı oqytady? Osy turǵyda ózderiń oılanyńdar», - dedi.
