Prezıdent AÓK sýbsıdııasynyń jyl saıyn ózgeretindigin synady
«Agroónerkásip kesheni eksportynyń jalpy kólemindegi qaıta óńdeý úlesi naqty aıtqanda 33 paıyzdy quraıdy. Shıkizatty eksportqa shyǵaryp, daıyn ónimdi tasyp otyrmyz. Mınıstrlik shıkizatty eldiń ishinde qaıta óńdeý úshin barlyq jaǵdaı jasaýy tıis. Qaıta óńdeý men eksport tıimdi bolýy qajet», - dedi Qasym-Jomart Toqaev.
Memleket basshysy ınvestıtsııa men jańa agrotehıkalardy elge ákelý de mańyzdy másele ekendigine nazar aýdartty.
«Premer-Mınıstr baıan etkendeı, Úkimettiń naqty daıyndamalary bar. Endi naqty nátıjelerge qol jetkizý qajet. Agroónerkásip keshenin qarjylandyrý bóliginde Úkimet, Qarjy naryǵyn baqylaý agenttigi jáne Ulttyq bank jumys istep turǵan mıkroqarjy uıymdarynyń bazasynda qorlandyrýdyń tıimdi ınstıtýttaryn damytý, olardyń mandattaryn keńeıtý boıynsha sharalar qabyldaýy qajet. Bizde agroónerkásip kesheniniń besjyldyq baǵdarlamasy bar. Onda salanyń maqsaty, mindetter, naqty óndiristik jáne ekonomıkalyq kórsetkishter jazylǵan. Úkimet basymdyqtaryn, josparlaryn aıqyndap qoıǵan. Qoldaý sharalary, ıaǵnı, sýdsıdııalar jyl saıyn aýysady. Sońǵy 5 jylda somasy 2 trln teńgeden asyp jyǵyldy. Buǵan qosa sýbsıdııalar 47 ret ózgergen. Men Úkimetke memlekettik qoldaý sharalarynyń turaqtylyǵyn qamtamsyz etýdi, olardyń tıimdiligin arttyrýdy tapsyrdym. Bul tapsyrma ázirshe oryndalǵan joq. Sheshim men naqty usynystar kútemin», - dedi Memleket basshysy.
