Prezıdent Ankarada qonaqjaılyq tanytqany úshin Erdoǵanǵa rızashylyǵyn bildirdi
ASTANA. KAZINFORM – Memleket basshysy Qasym-Jomart Toqaev Ankaraǵa resmı sapary kezinde qonaqjaılyq tanytqany úshin Prezıdent Rejep Taııp Erdoǵanǵa shynaıy rızashylyǵyn bildirip, hat joldady. Bul týraly Aqordanyń baspasóz qyzmeti habarlady.
Qazaqstan Prezıdentiniń pikirinshe, Túrkııa astanasynda ótken kelissózder ekijaqty yntymaqtastyqtyń baýyrlastyq, ózara senim jáne strategııalyq seriktestik rýhynda damyp, buryn-sońdy bolmaǵan joǵary deńgeıge kóterilgenin kórsetedi.
Elimiz Túrkııamen BUU, Túrki memleketteri uıymy jáne basqa da halyqaralyq qurylymdar aıasyndaǵy yqpaldastyqty joǵary baǵalaıdy. Sondaı-aq Azııadaǵy ózara is-qımyl jáne senim sharalary jónindegi keńesti ınstıtýttandyrý protsesine turaqty qoldaý bildirgeni úshin alǵys aıtady.
Eske sala keteıik, buǵan deıin Memleket basshysy Qasym-Jomart Toqaev Rejep Taııp Erdoǵannyń qazaq-túrik qarym-qatynastaryn nyǵaıtýǵa qosqan súbeli úlesine joǵary baǵa bergenin jazǵan edik.