Prezıdent Amerıkanyń iri evreı uıymdary konferentsııasy tóraǵasynyń orynbasaryn qabyldady

NUR-SULTAN. QazAqparat – Qasym-Jomart Toqaev Amerıkanyń iri evreı uıymdary prezıdentteri konferentsııasy tóraǵasynyń atqarýshy orynbasary Malkolm Honlaındi qabyldady, dep habarlaıdy QazAqparat Aqordaǵa silteme jasap.

Kezdesýde Qazaqstan Prezıdenti men Amerıkanyń iri evreı uıymynyń basshysy dinder men mádenıetterdiń jahandyq dıalogin tereńdetý máselelerin talqylady.

Memleket basshysy forýmǵa belsendi qatysqany úshin meımanǵa alǵys aıtyp, qoǵamnyń dástúrli negizderin saqtaýdyń mańyzdylyǵyn atap ótti. Sondaı-aq, bul ıgi is adamdardyń senimi men rýhanı ilimin udaıy nyǵaıtatyn barlyq konfessııaǵa tán ekenine senim bildirdi.

Óz kezeginde Malkolm Honlaın Álemdik jáne dástúrli dinder kóshbasshylarynyń sezin ótkizýdiń ózektiligi men forýmnyń dinaralyq kelisimdi nyǵaıtýǵa qosqan úlesin atap ótti.

Foto:akorda.kz